James Berisha takon Berishën: Misioni vazhdon

Nga admin www.kapsit.com

Tiranë-Kryeministri Sali Berisha priti dje, në takim, pilotin shqiptaro-amerikan James Berisha, pas kthimit nga Eritrea, ku u burgos gjatë një prej fluturimeve në kuadër të misionit të tij sensibilizues “Të fluturosh për Kosovën”.
Prej pavarësisë së Kosovës, James Berisha ka përshkuar me avionin e ekuipazhin e tij kontinente të tërë për promovimin në opinionin botëror të pavarësisë së Kosovës.
Z. Berisha shprehu kënaqësinë që takohej përsëri me Kryeministrin Berisha dhe e falënderoi atë për mbështetjen personale dhe solidaritetin e treguar për lirimin nga burgu i Eritreas. “Do të doja që nëpërmjet jush t’i shprehja mirënjohjen  time edhe gjithë trupit diplomatik që u angazhua në lirimin tim,” u shpreh zoti Berisha.
Kryeministri Berisha, duke shprehur kënaqësinë për lirimin e tij, vlerësoi misionin fisnik për promovimin e pavarësisë së Kosovës dhe mbi të gjitha, faktin se edhe pas kësaj, misioni i tij vazhdon.
Kryeministri Berisha theksoi se çështja e njohjes së Kosovës është me rëndësi për të gjithë. Kryeministri e siguroi atë se qeveria shqiptare do të vazhdojë të jetë gjithmonë e gatshme për të ndihmuar në rast nevojë çdo shqiptar, kudo që ndodhet. Në këtë takim, zoti Berisha shoqërohej nga pjesëtarë të tjerë të angazhuar në këtë mision. (LajmeShqip.com)
Duhet të jeni të kyçur për ta dërguar këtë mesazh tek miqt. Nuk keni llogari ende ? bashkohuni me ne tani , dhe sigurisht është falas!
Duhet të jeni të kyçur për ta dërguar këtë mesazh tek grupi. Nuk keni llogari ende ? Bashkohuni me ne tani , dhe sigurisht është falas!

Login Në My Site

Nuk keni llogari ende? Bashkohuni me ne, është falas!